Saturday 28 August 2021

ಯಕ್ಷಪುಸ್ತಕಕೋಶವನ್ನು ಬೆಳೆಸಲು ನಿಮ್ಮ ಸಹಕಾರ ಇರಲಿ!


ಯಕ್ಷಗಾನದಲ್ಲಿ ಸಾಹಿತ್ಯವನ್ನು  ಮೂರು ವಿಭಾಗದಲ್ಲಿ ವಿಭಾಗಿಸಬಹುದು.  ಒಂದು ಪ್ರಸಂಗ ಸಾಹಿತ್ಯ- ಅದು ರಂಗಪಠ್ಯವಾಗಿದ್ದರೆ  ಎರಡನೇದಾಗಿ ಮೌಖಿಕ ಸಾಹಿತ್ಯವು ರಂಗಭಾಷೆಯಾಗಿ ಪ್ರಸ್ತುತಗೊಳ್ಳುತ್ತದೆ.  ಮೂರನೆಯದು ವಿರ್ಮರ್ಶಾ/ ಸಂಶೋಧನಾ/ ಅಭಿನಂದನಾ ಸಾಹಿತ್ಯ. ಈ ಮೂರನೇ ವಿಧದ ಸಾಹಿತ್ಯವು ಯಕ್ಷಗಾನದಲ್ಲಿ ಸರಿ ಸುಮಾರು 70-80 ವರುಷಗಳಿಂದ ದೊಡ್ಡ ಮಟ್ಟದಲ್ಲಿ ರಚನೆಯಾಗುತ್ತಿದೆ. ಇದರಲ್ಲಿ ಇಲ್ಲಿಯವರೆಗೆ 40ಕ್ಕೂ ಹೆಚ್ಚು ಸಂಶೋಧನ ಪ್ರಬಂಧಗಳು ಮಂಡನೆಯಾಗಿವೆ. ಸಾವಿರಾರು ಅಭಿನಂದನ ಗ್ರಂಥಗಳು, ಸಂಸ್ಮರಣ ಗ್ರಂಥಗಳು,ಕಲಾವಿದರ ಆತ್ಮ ಕಥೆಗಳು ಬಂದಿವೆ. ಇನ್ನು ಪತ್ರಿಕೆಯಲ್ಲಿ   ವಿಮರ್ಶೆಗಳು, ಚಿಂತನೆಗಳು ದೊಡ್ಡ ಪ್ರಮಾಣದಲ್ಲಿ ದಾಖಲಾಗಿವೆ. ಇದರ ಜೊತೆಗೆ ನಾಲ್ಕೈದು ಯಕ್ಷಗಾನಕ್ಕಾಗಿಯೇ ಇರುವ ಪತ್ರಿಕೆಗಳಿವೆ.  ಹೀಗೆ ಎಲ್ಲವು ಸೇರಿದರೆ ಅಂದಾಜು ಹತ್ತು ಸಾವಿರದಷ್ಟು ಕೃತಿಗಳು ರಚನೆಯಾಗಿವೆ. ಒಂದು ಕಲಾ ಪ್ರಕಾರದ ಮೇಲೆ ಇಷ್ಟೊಂದು ಸಂಖ್ಯೆಯ ಕೃತಿಗಳು ಕನ್ನಡವನ್ನು ಬಳಸಿ ರಚನೆಯಾಗಿರುವುದು ದಾಖಲೆಯೇ ಸರಿ. 

ಹೀಗಿದ್ದರೂ ಹಿಂದೆ ಪ್ರಕಟಿತ ಎಷ್ಟೋ ಕೃತಿಗಳು ಇಂದು ಮರು ಮುದ್ರಣದ ಭಾಗ್ಯವನ್ನು ಕಾಣದೆ ಹಾಳಾಗಿ ಹೋಗುತ್ತಿರುವುದು ವ್ಯಥೆಯ ಸಂಗತಿ. ಇಂತಹ ಅಮೂಲ್ಯವಾದ ಯಕ್ಷಗಾನದ ಸಂಪತ್ತನ್ನು ಉಳಿಸಿಕೊಳ್ಳುವ ಅನಿವಾರ್ಯತೆಯಿದೆ. ಈ ನಿಟ್ಟಿನಲ್ಲಿ ನಮ್ಮ ಯಕ್ಷವಾಹಿನಿ ತಂಡವು ಇವುಗಳನ್ನು ಸುವ್ಯವಸ್ಥಿತವಾಗಿ ಒಂದು ಕಡೆಯಲ್ಲಿ ರಕ್ಷಿಸುವುದಕ್ಕೆ ಮುಂದಾಗಿದೆ. ಇದುವೇ ಯಕ್ಷಪುಸ್ತಕಕೋಶ.

ಯಕ್ಷಗಾನದಲ್ಲಿ ಬಂದ ಅಭಿನಂದನ ಗ್ರಂಥಗಳು, ಸಂಸ್ಮರಣ ಗ್ರಂಥಗಳು, ಕಲಾವಿದರ ಆತ್ಮ ಕಥೆಗಳು ಹೀಗೆ ಎಲ್ಲವನ್ನು ಡಿಜಿಟಲಿಕರಣ ಮಾಡಿ ಅದನ್ನು ಅರ್ಚಿವ್ ಮಾಡಿ ಸರ್ವರಿಗೂ ಅದು ಲಭ್ಯವಾಗುವಂತೆ ಮಾಡುವುದು ಇದರ ಉದ್ದೇಶ. ನಿಮ್ಮಲ್ಲಿರುವ ಅಮೂಲ್ಯ ಪುಸ್ತಕಗಳಿದ್ದರೇ ದಯಮಾಡಿ ನಮ್ಮ ಈ-ಲೈಬ್ರರಿಗೆ ನೀವು ಅದನ್ನು ಕೊಡಬಹುದು. ಎಲ್ಲರೂ ಸೇರಿ ಯಕ್ಷಗಾನದ ಅಮೂಲ್ಯ ದಾಖಲೆಗಳನ್ನು ಉಳಿಸುವ ಪ್ರಯತ್ನವನ್ನು ಮಾಡೋಣ.  ಹಕ್ಕು ಸ್ವಾಮ್ಯದ ತೊಂದರೆ ಬರದಂತೆ ಲೇಖಕರ ಹಾಗೂ ಪ್ರಕಾಶಕರ ಅನುಮತಿಯನ್ನೂ ಕೊಡಿಸುವಿರಾಗಿ ನಂಬುತ್ತೇವೆ.

ಈಗಾಗಲೇ ವಿದ್ಯುನ್ಮಾನ ಪ್ರತಿಯಲ್ಲಿರುವ ಗ್ರಂಥಗಳನ್ನೂ ಲೇಖನಗಳನ್ನು ಸ್ವೀಕರಿಸಿ, ಕ್ರೋಢೀಕರಿಸಿ, ಅಂತರರಜಾಲದ ಮೂಲಕ ಉಚಿತ ಬಿತ್ತರದ ವ್ಯವಸ್ಥೆ ಮಾಡುತ್ತೇವೆ. ಜೊತೆಗೆ ನೀವು ಕೂಡ ಹಕ್ಕು ಸ್ವಾಮ್ಯಕ್ಕೆ ಒಳಪಡದ ಅಥವಾ ಅಂತರ್ಜಾಲಕ್ಕೆ ಸೇರಿಸಲು ಒಪ್ಪಿಗೆ ಇರುವ ಪುಸ್ತಕಗಳನ್ನು ನಮಗೆ ನೀಡಬಹುದಾಗಿದೆ. 

ನಮ್ಮ ಪ್ರಸಂಗೇತರ ಯಕ್ಷಗಾನ ಗ್ರಂಥಗಳ ಈ-ಲೈಬ್ರರಿಯ ಕೊಂಡಿಯನ್ನು ಈ ಕೆಳಗೆ ಕೊಡಲಾಗಿದೆ:

 https://drive.google.com/file/d/1z8eh0irQ4j7wdo2xSinj85pjyDnnc10X/view


ಈ ಯೋಜನೆಯಲ್ಲಿ ನೀವು ಸ್ವಯಂಸೇವಕರಾಗಿ ಸಹಕರಿಸುವರಾದರೆ, ಈ ಕೆಳಗಿನ ಕೊಂಡಿಯನ್ನು ಒತ್ತಿ ನಮ್ಮ ವಾಟ್ಸ್ಯಾಪ್‌ ಸಮೂಹವನ್ನು ಸೇರಿಕೊಂಡು ನಿಮ್ಮನ್ನು ಪರಿಚಯಿಸಿಕೊಂಡು ಹೇಗೆ ಸಹಾಯ ಮಾಡುವಿರೆಂದು ತಿಳಿಸಿರಿ.

https://chat.whatsapp.com/DFFEgYGWaoq3qRlbzdTnjK


 

ಧನ್ಯವಾದಗಳು

ಯಕ್ಷಪುಸ್ತಕಕೋಶ ತಂಡ

ಯಕ್ಷವಾಹಿನಿ ಬೆಂಗಳೂರು

No comments:

Post a Comment